VISITA A PISCIFACTORÍA 2015
Despois do adianto que fixemos na páxina de Facebook da Anpa, aquí vos contamos con máis detalle a visita que fixemos a Piscifactoría da Xunta de Galicia no Carballiño.
Recibiunos o capataz Carlos. Que nos levou dentro do edificio principal e introduxo os nenos o mundo das piscifactorías e a repoboación dos ríos de Galicia.
Os nenos moi atentos ían coñecendo cousas fantasticas das piscifactorias. O primeiro que aprendemos: que na do Carballiño se crían troitas. Logo as partes das troitas, o número de ovos que poñen, como crían, canto miden....
Carlos tivo a todos atentos cas súas explicacións e aprenderon palabras máxicas e cantos de pesca.
Tamén vimos moitos, moitos bebes de troitas :)
Logo saímos a ver o resto das instalacións ata os canais. Alí Carlos achegou ós nenos unhas troitas para ver quen se atrevía a collelas nas mans; pero primeiro as palabras máxicas para durmilas.
Unha vez que xa se foron coñecendo máis das troitas, fomos a ver as grandes. Aquí estiveron intentando tocalas cas mans. Todo un pracer ver como se ían animando e perdendo o medo.
Unha vez rematada a visita fumos ver a embarcación e Carlos foi un gran anfitrión e "regou" os rapaces un pouco. Menos mal porque ía moitisima calor.
Aquí máis fotos da visita. moitas gracias por participar.
0 comentarios:
Publicar un comentario