NOTA INFORMATIVA
ANPA A Uceira CEIP Calvo Sotelo
Actividades 3º trimestre, curso 2009-2010
Ola a tod@s:
Queremos aproveitar a ocasión para anunciarvos que a ANPA A Uceira está xa legalmente constituída, polo que xa podedes asociarvos todos e todas aquelas que queirades. A cuota é de 10 euros, a ingresar na oficina de Caixa Rural do Carballiño. O nº de conta é o seguinte: 3070 0039 02 6068445516. Animarvos a participar non só asociándovos, senón tamén coas vosas ideas e suxestións. Presentámosvos as actividades que programamos para este último trimestre do curso, e nas cales poden participar todos os nenos e nenas, así como pais e nais, independentemente de que sexan ou non socios. Todas elas son ademais de balde.
Ciclo de cine infantil e xuvenil: lévase a cabo sempre en venres, ás 16,30, no auditorio municipal, en colaboración coa Concellería de Educación e Cultura.
16 de abril: Tempos Modernos.
30 de abril: Carlota.
7 de maio: Bob Esponxa.
28 de maio: Toy Story.
11 de xuño: A idade de xeo.
Andainas:faranse tamén nas tardes dos venres. O día 14 de maio temos programad un roteiro polo camiño dos arrieiros. O 4 de xuño percorreremos a senda do río Arenteiro, acompañados dun experto en botánica e visitaremos o Museo etnográfico dos muíños. Cada roteiro ten aproximadamente uns 5 km de percorrido, para facelos asequibles a case que todas as idades.
23 de abril, día do libro: haberá un mercado de troco e préstamo de libros na Praza Maior, entre as 19,30 h. e as 20,30 h. Farase tamén unha exposición de libros e álbum ilustrado.
Letras galegas: o 16 de maio proxectarase no auditorio municipal, en colaboración coa Concellería de Educación e Cultura, unha escolma de curtametraxes de animación para nen@s de todas as idades.
Horto ecolóxico e aula mediambiental: imos facer un horto de agricultura ecolóxica onde todos os membros das familias poidan participar. Farase en colaboración coa Concellería de Medio Ambiente, que programou ademáis un curso sobre agroecoloxía impartido por especialistas. Colabora con nós na xestións tamén a Asociación Cultural Pepa Loba. Esta actividade realizarase na antiga caseta do Peón caminero, no Parque municipal, e contará tamén con diversos talleres relacionados co medio ambiente e a natureza.
0 comentarios:
Publicar un comentario