24 FEBREIRO: DÍA DE ROSALIA DE CASTRO

22:23 0 Comentarios

Este ano cúmprese o 150 aniversario da publicación de Cantares Gallegos. Desde a Fundación Rosalía, a Real Academia Galega, a Universidade de Vigo e a Asociación de Gaiteiros Galegos están a organizar para o 24 de febreiro (Día de Rosalía e aniversario do seu nacemento) a Alborada para Rosalía de Castro, para o que fixeron un chamamento a todos os gaiteiros e gaiteiras de Galicia para dar unha alborada de gloria na súa honra.

No Carballiño, facéndose eco deste chamamento, os gaiteiros e gaiteiras dos grupos

Escola de Gaitas

Grupo Orcellón

e

Os Serandeiros,

coa colaboración do Casino do Carballiño e A Mesa pola Normalización Lingüística

queren estender este chamado ao conxunto da poboación carballiñesa convidando á celebración desta Alborada para Rosalía de Castro que se escenificará o vindeiro

Domingo, 24 de febreiro, ás 12 do mediodía

Nos Soportais da Praza Maior do Carballiño, onde comeza a rúa Rosalía de Castro

O acto consistirá na lectura dun manifesto por parte dos gaiteiros presentes e a interpretación de varias pezas entre as que estará a propia Alborada para Rosalía.

Non deixes de acudir.