.png)
MANIFESTACIÓN 20 DE SETEMBRO
A ANPA A Uceira despois da reunión mantida cunha importante cantidade de pais e nais
de alumn@s deste colexio, o pasado dia 12, en relación coa circular remitida
pola Xunta de Galicia na que se nos solicita un recoñecemento tácito da
distancia dos nosos fogares ata o centro e ante as mais que fundadas sospeitas
de dubidosas intencións (eliminación ou
cobro) por parte da Administración autonómica con respecto ao transporte
escolar dos nosos fillos a partires do vindeiro curso, tomamos a decisión de
facer un acto reivindicativo para reflexar os problemas que esta decisión
arbitraria e inxusta pode acarrear para nos.
Este
acto consistirá en que todos aqueles que están de acordo con loitar por
defender os nosos dereitos e impedir un novo recorte que afecte aos nosos
nenos, partan a pé cara o colexio o xoves
20 pola mañá, saíndo da parada habitual para confluír todos os pais e nenos
na explanada do Asilo arredor das 9.30 da mañá e de alí continuar o camiño ata
o colexio, loxicamente se van a tomar todas as medidas de seguridade
necesarias, contamos coa presenza da Policía Local, e se recomenda que os
cativos vaian equipados cun chaleco reflectinte e sempre acompañados por un
adulto. Vamos a convocar a todos os medios de comunicación posibles para que o
eco da nosa protesta resoe con forza nos despachos de Santiago.
Lembrade
que se o plan da Xunta vai adiante, o vindeiro curso, todos aqueles que están a
menos de dous kilómetros do colexio, perderán o seu dereito a transporte
escolar gratuíto, afectando a medida a case todas as paradas do casco urbano do
Carballiño e a de Seoane. En calquera caso de non ser afectado, apelamos á túa
solidariedade para defender os dereitos dos compañeiros que si o están, e tamén
como medida preventiva, pois en outras comunidades como Murcia, xa aumentaron
esta distancia aos 3 kilómetros e os que hoxe non están entre o núcleo de
damnificados o poden estar en breve.
NIN UN PASO
ATRÁS NA DEFENSA DOS DEREITOS DOS NOSOS NENOS
VANNOS OIR
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
0 comentarios:
Publicar un comentario